Fengu 112 milljónir í bætur

Matvælastofnun hefur greitt fyrirtækinu Kræsingum í Borgarnesi 112 milljónir króna í skaðabætur vegna „nautabökumálsins“ sem upp kom á árinu 2013.

Frétt af mbl.is

Matvælastofnun óskar eftir yfirmati

„Þetta var klárað fyrir jól, er jólagjöfin mín það árið. Ég hef gert upp við alla þá birgja sem stóðu með mér í erfiðleikunum og biðu með kröfur sínar,“ segir Magnús Níelsson, eigandi fyrirtækisins í Morgunblaðinu í dag.

Frétt af mbl.is

Skaðabótaskyld vegna nautabökufréttar

Kræsingar sem áður hétu Gæðakokkar voru sýknaðar af kæru um vörusvik í nautabökum sem lögð var fram vegna rannsóknar Matvælastofnunar og fékk síðan skaðabótaskyldu Mast viðurkennda fyrir héraðsdómi og Hæstarétti. Síðan hefur verið togast á um fjárhæð skaðabóta og mat á tjóni sveiflast frá 69 milljónum upp í rúmar 200 milljónir. Mast bauð 69 milljónir í samræmi við yfirmat. Segist Magnús að lokum hafa tekið því en með vöxtum og kostnaði sem Mast tók þátt í varð upphæðin 112 milljónir.

Frétt af mbl.is

Ekkert kjöt í nautakjötsböku

Frétt af mbl.is

Spilling í eftirlitskerfinu