Jarðskjálfti upp á 4,3 átti sér stað 5,2 kílómetra frá Grindavík í kvöld klukkan 22.23. Um mínútu áður hafði riðið yfir skjálfti að stærð 4,0. Annar skjálfti upp 3,4 á varð skömmu áður, eða klukkan 21.46.

Snörp jarðskjálftahrina virðist vera að ganga yfir og hafa íbúar á Reykjanesi fundið vel fyrir skjálftunum, auk þess sem þeir fundust á höfuðborgarsvæðinu og á Akranesi. Um er að ræða stærstu skjálfta sem mælst hafa síðan skjálftahrina hófst 21. janúar.

Að minnsta kosti sjö eftirskjálftar hafa orðið, yfir 1 að stærð, þar af tveir yfir 2 að stærð.

Tugir eftirskjálfta hafa orðið eftir stærsta skjálftann, 4,3, sem reið yfir klukkan 22:23, þar af a.m.k. fjórir yfir 2 að stærð.

Fréttin hefur verið uppfærð.

Kort/Veðurstofa Íslands

Tengdar fréttir

Landris á Reykjanesi

Land rís enn á Reykjanesskaga

• Mesta virkni sem hefur mælst frá upphafi
• Auka vöktun með efnainnihaldi neysluvatns
• Jörð skelfur við Krýsuvík
• Jarðskjálfti upp á 3,5 stig

» Fleiri tengdar fréttir

• Blogga um frétt