„Það eru bara áframhaldandi fundahöld,“ seg­ir Harpa Ólafs­dótt­ir, formaður samn­inga­nefnd­ar Reykja­vík­ur­borg­ar, um samn­ingaviðræður við Efl­ingu stétt­ar­fé­lag.

Fundað var hjá rík­is­sátta­semj­ara í morgun og lauk fund­in­um án niður­stöðu. Enn er þó unnið í húsnæði ríkissáttasemjara en Harpa segir að unnið sé að styttingu vinnuvikunnar hjá vaktavinnufólki.

Áður hafði hún sagt að það væri einn af útgangspunktum Eflingar að sú vinna yrði að klárast áður en skrifað yrði undir kjarasamning.

Harpa Ólafsdóttir, formaður samninganefndar Reykjavíkurborgar. Ljósmynd/Aðsend

Fé­lags­menn Efl­ing­ar sem starfa hjá Reykja­vík­ur­borg hefja sitt þriðja verkfall klukkan 12:30 á þriðjudag ef ekki verður búið að semja fyrir þann tíma. Það verkfall mun standa yfir í tvo og hálfan sólarhring.

Harpa segir að á meðan deiluaðilar tali saman séu líkur á að það takist að semja. Hún vill þó ekki svara því beint hvort líkurnar séu meiri í dag en í byrjun vikunnar.

„Þetta er snúið en við erum enn að tala saman.“

Tengdar fréttir

Kjaraviðræður

Hjúkrunarfræðingar samþykkja samning

• Fundur hafinn hjá kennurum, ríki og sveitarfélögum
• Verkfalli lækna aflýst á síðustu stundu
• Verkföllum lækna aflýst
• „Sá vegur er bæði háll og myrkur“

» Fleiri tengdar fréttir

• Blogga um frétt