Mannréttindadómstóll Evrópu mun í næstu viku kveða upp dóm í máli Sigríðar Elínar Sigfúsdóttur gegn íslenska ríkinu, en Elín var árið 2015 dæmd til eins og hálfs árs fangelsisvistar af Hæstarétti fyrir umboðssvik og þátttöku í markaðsmisnotkun í hinu svokallaða kaupréttarmáli Landsbankans, sem einnig er þekkt sem Ímon-málið.

Elín starfaði sem framkvæmdastjóri fyrirtækjasviðs bankans fyrir hrun.

Frétt af mbl.is

Sigríður Elín hefur hafið afplánun

Elín höfðaði mál gegn ríkinu fyrir MDE á þeim grundvelli að hlutabréfaeign þriggja dómara við Hæstarétt Íslands í íslensku viðskiptabönkunum fyrir hrun hefði haft áhrif á niðurstöðu þeirra í málinu. Málsmeðferðin í Hæstarétti hefði þannig verið á skjön við bæði íslensku stjórnarskrána og ákvæði mannréttindasáttmála Evrópu.

Fleiri íslensk mál sem varða hlutabréfaeign dómara sem dæmdu íslenska bankamenn til refsinga fyrir mál sem tengdust starfsemi bankanna fyrir hrun eru til meðferðar hjá MDE.

Frétt af mbl.is

Ríkið tekur til varna gegn Ólafi

Unnið að endurupptöku málsins fyrir Hæstarétti

Endurupptökunefnd féllst á það í fyrra að mál Elínar yrði tekið fyrir í Hæstarétti að nýju, rétt eins og mál Sigurjóns Árnasonar, fyrrverandi bankastjóra Landsbankans, sem einnig var dæmdur til fangelsisvistar í sama máli.

Mannréttindadómstóllinn kveður upp dóm sinn í máli Elínar á þriðjudag, 25. febrúar, samkvæmt fréttatilkynningu sem send var frá Strassborg í dag.

Tengdar fréttir

Ímon-málið

Mál Sigurjóns og Elínar aftur fyrir Hæstarétt

• Tekist á um réttaráhrif endurupptökunefndar
• Viðar Már var á meðal 50 stærstu hluthafa bankans
• „Lítur ekki vel út“
• Heildardómurinn 5 ára fangelsi

» Fleiri tengdar fréttir

Hagsmunir dómara

Ólafur afturkallar kæru til MDE

• Mannréttindadómstóll á villigötum
• Tenging við Pólland langsótt
• Ríkið tekur til varna gegn Ólafi
• Mannréttindadómstóllinn skoðar hlutabréfaeign dómara

» Fleiri tengdar fréttir

• Blogga um frétt