Efling segir Dag B. Eggertsson borgarstjóra fara með villandi ummæli um þau tilboð sem Reykjavíkurborg hefur gert Eflingarfélögum, í sjónvarpsviðtali í Kastljósi í gær. Fram kemur í tilkynningu frá Eflingu að Reykjavíkurborg hefur ekki boðið Eflingarfélögum sérstaka leiðréttingu lægstu launa umfram taxtahækkanir að fyrirmynd lífskjarasamningsins svo neinu nemi.

Frétt af mbl.is

Orð Dags „blaut tuska“ í andlit Eflingarfólks

„Þær upphæðir sem borgarstjóri fór með í viðtalinu í gær, með vísun í kjör ófaglærðs leikskólastarfsmanns, byggja á því að telja ekki núverandi sérgreiðslur í byrjunarupphæð en telja þær með í lokaupphæð.“ Efling segir framsetningu Dags í anda þeirra vinnubragða sem samninganefnd Reykjavíkurborgar hefur viðhaft, þar sem þegar umsamin réttindi eru sett í búning kjaraviðbóta. „Virðist þetta gert í þeim tilgangi að fegra mögur tilboð borgarinnar,“ segir í tilkynningu. 

Frétt af mbl.is

Efling lét vel í sér heyra á Jafnréttisþingi

Þar segir jafnframt að samninganefnd Eflingar myndi samþykkja, og hafi ítrekað boðið, að grunnlaun hækki sem samsvarar lífskjarasamningnum, að viðbættri leiðréttingu á bilinu 17-46 þúsund krónur. Sú leiðrétting þyrfti ekki að vera í formi grunnlaunahækkunar heldur gæti verið sérstakt álag sem ekki kæmi inn í grunn til útreiknings á yfirvinnu og vaktavinnu.

Ekki hefur verið boðað til fundar í kjaradeilunni, en upp úr slitnaði í viðræðum Eflingar og Reykjavíkurborgar í gær. Ótímabundið verkfall hátt í 2.000 félagsmanna Eflingar í borginni heldur því áfram. 

Trúnaðarmenn Eflingar komu saman á fundi í morgun og samþykktu eftirfarandi ályktun:

„Borgarstjóri, Dagur B. Eggertsson: þér hefur nú verið boðið að ræða kröfur okkar á fundum með félagsmönnum Eflingar ítrekað. Þú hefur ætíð hafnað þeim boðum. Þess í stað hefur þú aðeins látið sjá þig þegar þú færð að sitja einn í sjónvarpsviðtali, þar sem þú hefur talað niður okkar kjara- og réttlætisbaráttu. Þú kennir þig við stjórnmál samræðunnar. Við hörmum og fordæmum að þú viljir ekki eiga samtal við okkur, þitt eigið starfsfólk.“

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: HANN ROÐNAR VÍST ÞEGAR HANN SEGIR SATT........