„Við höfum ekki verið boðaðir og enginn hefur haft samband við okkur,“ segir Rúnar Geirmundsson, eigandi samnefndrar útfararþjónustu og formaður Félags íslenskra útfararstjóra. 

Fram kemur í Fréttablaðinu í dag að land­læknisembættið hafi boðað út­far­ar­stjóra til fund­ar í byrj­un vik­unn­ar vegna verk­ferla er varða meðhöndl­un á líki ef bana­mein er kór­ónu­veir­an COVID-19, en talið er að væg sýk­ing­ar­hætta stafi af lík­um þeirra sem falla frá af völd­um sjúk­dóms­ins.

Frétt af mbl.is

Boða útfararstjóra á fund

„Fundur hefur ekki verið boðaður en við höfum talað við embætti landlæknis. Við erum það vel undirbúnir að það er ekki aðkallandi að halda fund strax,“ segir Rúnar, sem á þó von á því að boðað verði til fundar í vikunni. 

Segir alla útfararstjóra tilbúna

Hann segir útfararstjóra hafa rætt stöðuna vegna kórónuveirunnar sín á milli undanfarnar vikur. „Allir útfararstjórar eru tilbúnir og við höfum verið í sambandi. Þessi mál eru í góðum farvegi en fréttin kom okkur svolítið á óvart,“ segir Rúnar og vísar í frétt Fréttablaðsins í dag. Hann sem formaður Félags íslenskra útfararstjóra hefur þó verið í sambandi við embætti landlæknis. „Ég var búinn lýsa því yfir að við værum tilbúnir að ræða þessi mál og þeir vissu af því og hafa haft samband við mig, en enginn hefur boðað okkur á fund.“  

Þá segir Rúnar það ekki rétt að óánægju hafi gætt hjá útfararstjórum yfir skorti á upplýsingum frá heilbrigðisyfirvöldum, líkt og segir í frétt blaðsins. „Það er að minnsta kosti ekki frá okkur komið,“ segir Rúnar og vísar í Félag íslenskra útfararstjóra sem 11 útfararþjónustur í einkarekstri eiga aðild að. 

Viðbúnaðurinn svipaður og í svínaflensufaraldrinum

Rúnar segir viðbúnað útfararstjóra svipaðan og í svínaflensufaraldrinum 2009. „Þá áttum við alla galla og vorum í sambandi við ríkislögreglustjóra og landlækni um hversu margir starfsmenn væilbúnir að vinna hversu mörg pláss þyrfti fyrir látið fólk.“ 

„Við erum alveg tilbúin og eigum nóg af líkpokum,“ bætir Rúnar við. 

Leiðbein­ing­ar embætt­is land­lækn­is verða aðgengi­leg­ar á net­inu í vik­unni en þær taka að öll­um lík­ind­um mið af regl­um annarra landa.

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

• Blogga um frétt