Sendiherrastöður verði auglýstar

Sendiherrastöður verða framvegis auglýstar og umsækjendum gert að uppfylla ákveðin skilyrði sem kveðið er á um í lögum, nái frumvarp Guðlaugs Þórs Þórðarsonar utanríkisráðherra um breytingar á reglum um skipan sendiherra fram að ganga.

Þetta kemur fram í aðsendri grein hans í blaðinu í dag. Kveðið verður á um hámarksfjölda sendiherra, sem nemur 120% af fjölda sendiskrifstofa, en með því mun sendiherrum fækka töluvert frá því sem nú er.