Reykvíkingar eru flestir orðnir nokkuð vanir sóðaskap í miðbænum enda ruslatunnur þar fyrir löngu orðnar yfirfullar vegna langvarandi verkfalls félagsmanna Eflingar.
Reglulega hefur verið greint frá vandanum og hafa meðal annars sumir kaupmenn við Laugaveg brugðið á það ráð að líma fyrir tunnurnar svo ruslið flæði ekki úr þeim.
Tunnan á myndinni stóð þó enn opin í gær og því líklegt að rusl fjúki þaðan fljótlega.