Kjarasamningur var undirritaður á milli Sambands íslenskra sveitarfélaga og bæjarstarfsmannafélaga innan BSRB rétt fyrir miðnætti í kvöld hjá ríkissáttasemjara. Verkfalli félaganna gagnvart Sambandi íslenskra sveitarfélaga hefur því verið aflýst.
Samningurinn tekur til um 7.000 starfsmanna sveitarfélaga um allt land og gildir til 31. mars 2023. Félögin eru 14 talsins.
Þetta kemur fram á vefsíðu ríkissáttasemjara.
Félögin eru eftirfarandi:
Kjölur, stéttarfélag í almannaþjónustu
Sameyki, stéttarfélag starfsmanna í almannaþjónustu
Samflot bæjarstarfsmannafélaga f.h. eftirtalinna stéttarfélaga:
Félags opinberra starfsmanna á Austurlandi
Félags opinberra starfsmanna á Vestfjörðum
Starfsmannafélags Dala- og Snæfellsnessýslu
Starfsmannafélags Fjallabyggðar
Starfsmannafélags Fjarðabyggðar
Starfsmannafélags Húsavíkur
Starfsmannafélags Vestmannaeyja
Samstarf 6 bæjarstarfsmannafélaga f.h. eftirtalinnna stéttarfélaga:
FOSS, stéttarfélags í almannaþjónustu
Starfsmannafélags Hafnarfjarðar
Starfsmannafélags Kópavogs
Starfamannafélags Mosfellsbæjar
Starfsmannafélags Suðurnesja