Guðlaugur Þór Þórðarson utanríkisráðherra hefur átt í samtölum við forsvarsmenn Icelandair og Isavia í morgun vegna þeirrar stöðu sem komin er upp vegna ferðabanns sem Bandaríkjamenn hafa lagt á öll ríki Schengen, þar með talið Ísland.

Í samtali við mbl.is staðfestir ráðherra að hann muni eiga fund með forsvarsmönnum félagsins í dag og hið sama gerir forsætisráðherra. „Það er ljóst að þetta er kerfislega mikilvægt fyrirtæki og við munum fara yfir stöðuna með þeim,“ segir Katrín Jakobsdóttir forsætisráðherra í samtali við mbl.is.

Samkvæmt heimildum mbl.is mun Bogi Nils Bogason, forstjóri Icelandair, mæta á ríkisstjórnarfund nú klukkan 12.15 í Stjórnarráðinu, en á þeim fundi stendur til að ræða frekari aðgerðir stjórnvalda til að létta undir með efnahagslífinu í ljósi afleiðinga kórónuveirunnar.

Tveir dagar eru síðan ríkisstjórnin kynnti aðgerðir í sjö liðum en Katrín segir að ákvörðun Bandaríkjastjórnar hafi aukið enn á óvissuna og kalli á frekari aðgerðir.

Frétt af mbl.is

Aðgerðir stjórnvalda vegna kórónuveiru

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt