Hægt verði að lækka starfshlutfall

Afgreiðslu frumvarps um tímabundna niðurfellingu gjalda og svigrúm til að standa skil á opinberum gjöldum hefur verið flýtt. Vonir standa til að hægt verði að afgreiða frumvarpið á morgun.

„Málið var rætt á ríkisstjórnarfundi og í þingflokkum stjórnarflokkana, en endanleg mynd á frumvarpinu verður kynnt á morgun. Það er þingfundur á morgun þar sem málið fær þinglega meðferð,“ segir Þórdís Kolbrún R. Gylfadóttir, ferðmála-, iðnaðar- og nýsköpunarráðherra. Um er að ræða mánaðarfrest til bráðabirgða á meðan smíðuð er lausn fyrir fyrirtæki sem þurfa lengri frest.

Unnið að útfærslu á nýrri tillögu

Auk fyrrgreinds frumvarps er unnið að útfærslu á tillögu sem gera mun fyrirtækjum kleift að lækka starfshlutfall starfsfólks gegn mótframlagi atvinnuleysistryggingasjóðs. „Þetta mun nýtast atvinnurekendum og launafólki ásamt því að takmarka uppsagnir og aukið atvinnuleysi,“ segir Þórdís.

• Blogga um frétt