Einstaka leigubílstjórar hafa verið ragir við að taka upp farþega við Flugstöð Leifs Eiríkssonar eftir að bílstjóri smitaðist af kórónuveirunni.

Annars hefur túrum til Keflavíkur fækkað mjög vegna samdráttar í ferðaþjónustunni og almennt er afar lítið að gera hjá leigubílstjórum vegna hægagangs í þjóðfélaginu.

„Við höldum áfram að þvo okkur vel um hendur og þrífa bílana. Passað er upp á að alltaf sé spritt í bílunum og viðeigandi pappír eða klútar. Margir nota einnota hanska. En taka verður fram að aldrei er hægt að bjóða upp á dauðhreinsaða bíla, veiran er ósýnileg og aldrei hægt að ábyrgjast að hún leynist hvergi,“ segir Daníel Orri Einarsson, formaður Bifreiðastjórafélagsins Frama og Bandalags íslenskra leigubifreiðastjóra.

Spurður í Morgunblaðinu í dag um viðbrögð leigubílstjóra við því að einn bílstjóri smitaðist við að flytja farþega frá flugstöðinni viðurkennir Daníel að einhverjir hafi verið ragir við að fara í Leifsstöð til að taka á móti farþegum, en aðrir fari þangað daglega.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir