Fundað um mögulega landamæralokun
Setja bókamerki
Tengdar fréttir
Ísland og ESB
Mögulegt bann Schengen-ríkja við ónauðsynlegum ferðum til Schengen-svæðisins er nú til umræðu á fundi Áslaugar Örnu Sigurbjörnsdóttur dómsmálaráðherra og Guðlaugs Þórs Þórðarsonar utanríkisráðherra með Michael Mann, sendiherra Evrópusambandsins á Íslandi. Ursula von der Leyen, forseti framkvæmdastjórnar ESB, lagði bannið til í ávarpi fyrr í dag.
Áslaug Arna segir í samtali við RÚV að ferðabannið geti haft mikil áhrif á Ísland. „Þetta gæti auðvitað haft mjög mikil áhrif á Ísland, þetta eru mjög stór tíðindi og bar mjög brátt að í dag. Við erum að skoða þetta og munum ræða í ríkisstjórn á morgun,“ segir hún og bætir við að auka þurfi viðbúnað við landamæri Íslands fari svo að bannið verði sett á.
Leiðtogar Evrópusambandsríkja funda í Brussel á morgun þar sem tillögur von der Leyen verða til umræðu. Auk allflestra ríkja Evrópusambandsins eiga Ísland, Noregur, Liechtenstein og Sviss aðild að Schengen-samstarfinu en aðildarríki þess hafa lagt niður innra landamæraeftirlit og sameinast þess í stað um ytri landamæragæslu.
Lát hjóna í Neskaupstað: Ákæra gefin út
Víkingar komnir yfir 800 milljónir í greiðslur
Spretthópur fjallar um gufubaðsreglur
„Mamma fór að hágráta“
Auglýsingin var villandi
Ók á hóp fólks á jólamarkaði: Einn látinn
Ný ríkisstjórn kynnt á morgun