Innlent | mbl | 19.3.2020 | 15:40 | Uppfært 16:27

Átján sóttu um gamla starfið hans Stefáns

Ráðhús Reykjavíkur. mbl.is/Ómar Óskarsson

Átján sóttu um starf borgarritara hjá Reykjavíkurborg, en umsóknarfrestur var til og með 16. mars. Starfið var auglýst eftir að Stefán Eiríksson sagði starfi sínu lausu, en hann var ráðinn útvarpsstjóri.

Meðal þeirra sem sækja um starfið eru fyrrverandi formaður slitastjórnar Glitnis, fyrrverandi aðstoðarforstjóri Fjármálaeftirlitsins og fyrrverandi útgefandi Fréttablaðsins.

Umsækjendurnir eru:

Artis Arturs Freimanis vélstjóri
Árdís Rut Hlífardótir framkvæmdastjóri
Birna Ágústsdóttir skrifstofustjóri
Elín Björg Ragnarsdóttir verkefnastjóri
Friðjón Már Guðjónsson bókhaldsfulltrúi
Guðbjörg Ómarsdóttir gæðastjóri
Gunnsteinn R. Ómarsson lánastjóri
Hans Benjamínsson aðstoðarmaður framkvæmdastjóra
Jón Þór Sturluson dósent
Jónas Skúlason skrifstofustjóri
Kristín Þorsteinsdóttir MBA
Margrét Hallgrímsdóttir þjóðminjavörður
Óli Örn Eiríksson deildarstjóri
Ólöf Hildur Gísladóttir lögfræðingur
Salvör Sigríður Jónsdóttir félagsliði
Sólveig Dagmar Þórisdóttir framkvæmdastjóri
Steinunn Hólm Guðbjartsdóttir lögfræðingur
Þorsteinn Gunnarsson sveitarstjóri

Steinunn var áður formaður slitastjórnar Glitnis, Jón Þór var aðstoðarforstjóri FME og Kristín var útgefandi og ritstjóri Fréttablaðsins. Þá er Elín fyrrverandi framkvæmdastjóri Samtaka fiskframleiðenda.

Intellecta mun halda utan um ráðningarferli í samvinnu við hæfnisnefnd sem borgarráð skipaði. Hæfnisnefndina skipa Regína Ásvaldsdóttir, sviðsstjóri velferðarsviðs Reykjavíkurborgar sem jafnframt er formaður, Ásta Bjarnadóttir, mannauðsstjóri Landspítalans, og Gylfi Magnússon, dósent við Háskóla Íslands.