Níu öndunarvélar bætast við í næstu viku
Setja bókamerki
Tengdar fréttir
Kórónuveiran Covid-19
Landspítalinn gerir ráð fyrir því að fá níu öndunarvélar til viðbótar í næstu viku sem geta nýst við gjörgæslu. Þess er vænst að fimm þeirra verði gjöf og komi frá sömu einkaaðilum og hafa þegar gefið spítalanum fimmtán vélar.
Þetta segir Anna Sigrún Baldursdóttir, hjúkrunarfræðingur og aðstoðarmaður forstjóra Landspítalans, í samtali við mbl.is.
Hinar fjórar vélarnar kaupir Landspítalinn sjálfur í gegnum útboð og eru þær af fullkomnustu gerð. Fara þær beint á gjörgæsluna. Spítalinn veit minna um vélarnar sem hann fær gefins en að sögn Önnu Sigrúnar þiggja þau alla þá aðstoð sem gefst. Markaðurinn bjóði ekki upp á annað eins og staðan er núna, enda er mikil eftirspurn eftir öndunarvélum þessa dagana.
Alls verða öndunarvélar fyrir gjörgæslu því að öllum líkindum orðnar 38 í næstu viku.
„Miðað við stöðuna eins og við áætlum hana í næstu viku gerum við ráð fyrir að vera á góðu róli hvað þennan þátt varðar,“ segir hún, spurð út í nýtingu vélanna í tengslum við kórónuveiruna.
„Í öllu falli er þetta alltaf afar myndarleg gjöf.“
Anna Sigrún bætir við að fleiri einkaaðilar séu að reyna að útvega spítalanum öndunarvélar, auk þess sem spítalinn eigi eftir að fá fleiri slíkar í gegnum útboð.
Tengdar fréttir
Kórónuveiran Covid-19
Stöndum saman
Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.
Trump óhultur: Byssuhvellir í nágrenni við hann
Segir hið ómögulega hafa gerst
Trump virðist hafa verið sýnt banatilræði
Einn handtekinn og lagt hald á byssu
Feðginin áttu í eðlilegum samskiptum
Yazan vakinn á spítala og á leið úr landi
Leyniþjónustan skaut á byssumanninn