„Við erum komin með hluta af niðurstöðunum, ekki allar sem við þurfum, en þær sem eru komnar eru jákvæðar þannig að vonir standa til að það verði mögulegt að nota pinnana,“ segir Karl G. Krist­ins­son, yf­ir­lækn­ir á sýkla- og veiru­fræðideild Land­spít­al­ans, í samtali við mbl.is. 

Pinnarnir sem um ræðir eru 20 þúsund sýnatökupinnar vegna kórónuveirunnar sem Össur hefur útvegað. Íslensk erfðagrein­ing sagði þá ónot­hæfa í gær en próf­an­ir voru gerðar á tveim­ur heilsu­gæslu­stöðvum seinni partinn í gær og segir Karl niðurstöðurnar lofa góðu.

Frétt af mbl.is

Hugsanlega hægt að nota pinnana

Tekin voru tvö sýni úr sömu sjúk­ling­um með pinn­un­um sem hafa verið í notk­un og pinn­un­um sem Össur út­vegaði. „Það er samsvörun á milli greininga með báðum tegundum af pinnum,“ segir Karl. 

Til stendur að taka fleiri próf í dag og þegar niðurstöður úr þeim liggja fyrir og búið verður að rýna frekar í þær niðurstöður sem komnar eru býst Karl við að hægt verði að skera úr um hvort pinnarnir 20 þúsund frá Össuri séu nothæfir til sýnatöku. 

„Þetta lítur betur út núna en það gerði í gær,“ bætir hann við.  

Yfirvofandi skortu á sýnatökupinnum var bjargað fyrir horn í gær þegar sending með um 2.750 pinnum barst til landsins. 

Frétt af mbl.is

Tæplega 4.000 sýnatökupinnar til á landinu

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt