Tveir leik­skóla­stjórn­end­ur á höfuðborg­ar­svæðinu sem Morg­un­blaðið ræddi við ótt­ast smit með auk­inni mæt­ingu. Þeir segja bréf sem sótt­varna­lækn­ir og land­lækn­ir sendu skóla­stjórn­end­um, kenn­ur­um og for­eldr­um þriðju­dag­inn 24. mars sl. ekki sam­rýmast fyrri leiðbein­ing­um.

„Við höfðum áður fengið þær upp­lýs­ing­ar frá okk­ar yf­ir­mönn­um að reyna að tak­marka barna­hóp­inn í hús­inu eins og kost­ur er,“ seg­ir Val­borg Guðlaugs­dótt­ir, leik­skóla­stjóri í leik­skól­an­um Lang­holti í Reykja­vík. „Hjá okk­ur er nú helm­ing­ur barna skráður í leik­skól­ann á hverj­um degi. Svo kem­ur það upp að við erum beðin um að taka á móti for­gangs­beiðnum, sem við og ger­um. Við tök­um þá strax ákvörðun um að opna sér for­gangs­deild­ir og erum í dag með þrjár deild­ir af níu fyr­ir for­gangs­börn.“

Val­borg seg­ir starfs­fólk leik­skól­ans sl. vik­ur hafa hvatt þá for­eldra sem ekki þurfa nauðsyn­lega á leik­skólaþjón­ustu að halda að hafa börn sín heima. Eru það t.a.m. for­eldr­ar sem vinna heima eða eiga af öðrum ástæðum auðvelt með að hafa börn­in á heim­il­inu. Á móti auðveld­ar þetta þeim for­eldr­um sem verða að hafa börn sín á leik­skóla aðgengi að skól­an­um.

„Ég hef í þessu ástandi sem nú er uppi lagt of­urá­herslu á að fá sem fæsta full­orðna inn á leik­skól­ann. Því færri sem hingað koma þeim mun minni lík­ur eru á að smit ber­ist inn í leik­skól­ann. Um­rætt bréf snýst að stór­um hluta um það að börn séu ólík­legri til að smita, en við höf­um eng­ar áhyggj­ur af börn­un­um. Við sinn­um þeim eins og alltaf. Við vilj­um aft­ur á móti fá sem fæsta full­orðna hingað inn,“ seg­ir Val­borg.

Sig­ríður Krist­ín Jóns­dótt­ir er leik­skóla­stjóri í leik­skól­an­um Selja­koti í Reykja­vík. Hún seg­ir marga for­eldra hafa tekið þá ákvörðun að halda börn­um sín­um heima, einkum ef yngri börn eru einnig á heim­il­inu. Þá seg­ist hún vita til þess að ólga sé hjá leik­skóla­stjór­um og stjórn­end­um grunn­skóla vegna bréfs­ins.

Nán­ar má lesa um þetta mál á mbl.is hér:

Nán­ar má lesa um þetta mál hér á mbl.is.

Tengd­ar frétt­ir

Kór­ónu­veir­an Covid-19

Lík­lega rangt að loka öllu

• „Eins og að vakna upp í allt öðru lífi“
• Rétt­inda­mál covid-sjúk­linga í lamasessi
• Hug­hreyst­andi bros á lækna­vakt
• Í fimm ára fang­elsi fyr­ir að hvetja til hryðju­verka

» Fleiri tengd­ar frétt­ir

• Blogga um frétt