Þrír eru í öndunarvél á gjörgæslu Landspítalans vegna kórónuveirusýkingar. Þetta staðfestir Már Kristjánsson, yfirlæknir smitsjúkdóma á Landspítalanum, í samtali við Vísi.
Greint var frá því í gær að tveir væru á gjörgæslu en einn í öndunarvél, en alls eru 15 inniliggjandi á Landspítalanum með COVID-19.
Alls hafa 737 kórónuveirusmit verið staðfest, en von er á nýjum tölum klukkan eitt eftir hádegi.