„Þetta snýst ekki um einhverja einstaka menn, mig eða aðra,“ segir Valgerður Rúnarsdóttir, yfirlæknir á Vogi, spurð hvort hún muni draga uppsögn sína til baka nú þegar formaður SÁÁ hefur boðist til að segja af sér.

Frétt af mbl.is

Býðst til að stíga til hliðar

Valgerður tilkynnti uppsögn sína í fyrradag en ástæðan er óánægja hennar með þá ákvörðun stjórnar samtakanna að segja upp átta starfsmönnum í hagræðingarskyni. Valgerður segir að til greina komi að hún dragi uppsögn sína til baka, en til þess þurfi að afturkalla ákvarðanir um uppsagnir og breyta verkferlum. „Það er mikilvægt að skýrt sé hver skilin eru milli stjórnar og fagstjórnenda [á Vogi].“ Stjórnendur á Vogi þurfi að hafa aðkomu að svo stórum ákvörðunum.

Frétt af mbl.is

Átta sagt upp á Vogi

Starfsmenn lækka í launum um 20%

Fyrirséð er að sjálfsaflafé Vogs, sem stendur undir um 30% af kostnaði við reksturinn, verði 150 milljónum króna lægra í ár en í fyrra, segir Valgerður. 

„Það þarf að grípa til aðgerða, en ég myndi vilja að það væri markvissar reynt að fá yfirvöld til að koma til móts við okkur. Ég hef ekki nokkra trú á öðru en að það verði hægt,“ segir hún. Starfsmenn hafi þegar tekið á sig 20% launalækkun og segir hún þá breytingu sjálfsagða og að allir hafi á henni skilning.

Tengdar fréttir

Átök innan SÁÁ

Sendir yfirlýsingu til Ríkisendurskoðunar vegna SÁÁ

• Einar Hermannsson kjörinn formaður SÁÁ
• Listi Einars náði kjöri
• Dreifa listum á aðalfundi SÁÁ
• Kosið um formann eftir harðar deilur innan SÁÁ

» Fleiri tengdar fréttir

• Blogga um frétt