Annar þeirra sem létust á síðasta sólarhring á Landspítalanum af völdum COVID-19 er eiginmaður konu sem lést af völdum sjúkdómsins í síðustu viku. Maðurinn var 75 ára gamall. 

Stundin greinir frá þessu. 

Frétt af mbl.is

Tveir létust af völdum kórónuveirunnar

Vitnað er í son þeirra sem minnist foreldra sinna á þennan hátt: „Ég er eiginlega búinn með orðin, ég vona bara að þau séu á góðum stað og líði vel saman. Ég elska ykkur bæði.“ Hann segir föður sinn ekki hafa glímt við nein veikindi áður en hann smitaðist af kórónuveirunni. Honum hafi versnað hratt og legið mikið veikur á Landspítalanum. Móðir hans lá inni á spítalanum í viku áður en hún lést.

Páll Matthíasson, forstjóri Landspítalans, vildi á blaðamannafundi í dag hvorki greina frá kyni né aldri þeirra tveggja sem létust. Upplýsingafulltrúi Landspítalans gat ekki veitt mbl.is upplýsingar um hvenær umræddir sjúklingar greindust með veiruna, hvenær þeir voru lagðir inn á spítalann eða hvort þeir hefðu verið í öndunarvélum.

Frétt af mbl.is

„Gjarnan kosið að fá að vita af þeim fyrr“

Andlát af völdum kórónuveirunnar eru því orðin fjögur hérlendis. Fyrst lést ástralskur maður á Heilbrigðisstofnun Norðurlands á Húsavík, líklega af völdum kórónuveirusýkingar. Þá lést fyrrnefnda konan, sem var á sjötugsaldri, á smitsjúkdómadeild Landspítalans í síðustu viku. Síðan létust tveir á Landspítalanum á síðasta sólarhring.

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

• Blogga um frétt