Konan sem starfaði sem bakvörður í heilbrigðisþjónustu á hjúkrunarheimilinu Bergi í Bolungarvík þangað til hún var handtekin í gær, sökuð um að hafa framvísað fölsuðum gögnum og misfarið með lyf, segist vera alsaklaus og hún hafi ekkert að fela. Hún segist jafnframt hafa verið meðhöndluð eins og stórglæpamaður.

Konan heitir Anna Aurora Waage og veitti Mannlífi viðtal sem birtist nú fyrr í dag. Hún hefur ráðið sér lögmann til að stefna Gylfa Ólafssyni, forstjóra Heilbrigðistofnunar Vestfjarða, og lögreglustjóranum á Vestfjörðum.

„Ég lýsi algjörlega yfir sakleysi mínu. Það er bara verið að reyna koma á mig einhverri sök og drulla yfir mig,“ segir hún í viðtalinu. Hún fullyrðir að hún hafi sýnt fulla samvinnu við yfirvöld og að lögreglan hafi leitað hjá henni en ekki fundið neitt.

Frétt af mbl.is

Segir ásakanirnar fjarstæðukenndar

Ásökuð um að reyna að smita sjálfa sig

Lögreglumenn hafi í framhaldinu sakað hana um að reyna smita sjálfa sig og aðra af COVID-19 en hún hafi einfaldlega hlegið að þeim ásökunum. Sýni var tekið úr henni og reyndist það neikvætt fyrir sjúkdómnum.

Í yfirlýsingu frá lögmanni hennar sem barst fjölmiðlum í morgun segir að kon­an hafi við skrán­ingu í bakv­arðasveit upp­lýst yf­ir­boðara sína um mennt­un og reynslu. Hún hafi um ára­bil starfað við umönn­un og sótt nám við enska skóla og há­skóla við sjúkra­liðun og „nurs­ing ass­ist­ant“.

Frétt af mbl.is

Var ekki með leyfi frá embætti landlæknis

Lærði að nota hlífðarbúnað í náminu

Í viðtalinu við Mannlíf segist konan hafa lært í sínu námi hvernig ætti að nota hlífðarbúnað í heilbrigðistarfi til að verja sjálfa sig og aðra. Þá hafi það sömuleiðis verið rifjað upp áður en bakvarðasveitin var send vestur í Bolungarvík.

„Ég sagði allan tímann frá því að ég væri með erlent próf en ekki íslenskt, sem ætti eftir að meta. Úti er þetta sem sjúkraliðapróf og síðan er ég líka með annað próf sem er ígildi háskólagráðu. Ég tilkynnti það strax á minni umsókn að ég væri með erlend próf og það voru allir meðvitaðir um það enda tilkynnti ég það líka strax við komuna vestur. Það gerði ég um leið og ég mætti og það stóð á öllum plöggum. Það var allt uppi á borðum frá upphafi, ég var alls ekkert að reyna að falsa neitt,“ er haft eftir henni.

Frétt af mbl.is

Öll sýni úr bakvarðasveit neikvæð

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt