Þjónusta hjá Strætó á landsbyggðinni mun frá og með morgundeginum skerðast tímabundið vegna COVID-19-faraldursins.
Farþegum almenningsvagna á landsbyggðinni hefur fækkað um 75% yfir síðustu vikur og Vegagerðin neyddist því til þess að draga úr akstri.
„Við munum áfram sjá til þess að halda uppi almenningssamgöngum á landsbyggðinni eins og kostur er. Hins vegar eru aðstæður afar óvenjulegar. Farþegum hefur fækkað verulega á flestum leiðum, og því ekki annað hægt en að bregðast við með ákveðnum skerðingum,“ segir Sólveig Jóhanna Guðmundsdóttir, forstöðumaður almenningssamgöngudeildar Vegagerðarinnar, í fréttatilkynningu.
Vegagerðin annast skipulag almenningssamgangna á landsbyggðinni. Það felur í sér rekstur almenningsvagna á milli þéttbýlisstaða, rekstur ferja og að haldið sé úti flugi á ákveðna staði.
Hér fyrir neðan má finna upplýsingar um breytta áætlun hjá Strætó á landsbyggðinni:
Suðurnes
Leið 55: Reykjavík – Keflavíkurflugvöllur
- Leiðin mun aka skv. laugardagsáætlun alla daga á meðan skerðingin er í gildi.
Leið 87: Vogar – Vogaafleggjari
- Engin skerðing þar til annað verður tilkynnt.
Leið 88: Grindavík – Reykjanesbær
- Leiðin mun aka skv. laugardagsáætlun alla daga á meðan skerðingin er í gildi.
- Ferðum kl. 07:24 frá Grindavík og kl. 07:50 frá Fjölbrautaskóla Suðurnesja verður bætt við áætlunina á virkum dögum.
Leið 89: Reykjanesbær – Garður – Sandgerði
- Ferðirnar kl. 22:10 frá Miðstöð og kl. 22:34 frá Sandgerði verða ekki eknar á meðan skerðingin er í gildi.
- Engin þjónusta verður á leiðinni um helgar á meðan skerðingin er í gildi.
Suðurland
Leið 51: Reykjavík – Höfn í Hornafirði
- Leiðin mun aka skv. laugardagsáætlun alla daga á meðan skerðingin er í gildi.
- Ferðirnar milli Víkur í Mýrdal og Hafnar í Hornafirði verða aðeins eknar á þriðjudögum, föstudögum og sunnudögum.
Leið 52: Reykjavík – Landeyjahöfn
- Leiðin mun aka skv. laugardagsáætlun alla daga á meðan skerðingin er í gildi.
Leið 71: Þorlákshöfn – Hveragerði
- Engin þjónusta á leiðinni á meðan skerðingin er í gildi.
Leið 72: Selfoss – Reykholt – Flúðir
- Engin þjónusta á leiðinni á meðan skerðingin er í gildi.
Leið 73: Selfoss – Flúðir – Reykholt – Laugarvatn
- Leiðin mun aka skv. laugardagsáætlun alla daga á meðan skerðingin er í gildi.
Leið 75: Selfoss – Stokkseyri – Eyrarbakki
- Leiðin mun aka skv. laugardagsáætlun alla daga nema sunnudaga á meðan skerðingin er í gildi.
Vestur- og Norðvesturland
Leið 57: Reykjavík – Akureyri
- Leiðin mun aka skv. laugardagsáætlun alla daga á meðan skerðingin er í gildi.
Leið 58: Borgarnes – Stykkishólmur
- Mánudagsferðirnar kl. 16:40 frá Stykkishólmi og kl. 18:19 frá Borgarnesi verða ekki eknar á meðan skerðingin er í gildi.
- Sunnudagsferðirnar kl. 08:20 frá Stykkishólmi og kl. 10:28 frá Borgarnesi verða ekki eknar á meðan skerðingin er í gildi.
Leið 82: Stykkishólmur – Hellissandur
- Mánudagsferðirnar kl. 16:00 frá Hellissandi og kl. 19:10 frá Stykkishólmi verða ekki eknar á meðan skerðingin er í gildi.
- Sunnudagsferðirnar kl. 07:39 frá Hellissandi og kl. 11:19 frá Stykkishólmi verða ekki eknar á meðan skerðingin er í gildi.
Leið 59: Borgarnes – Hólmavík
- Miðvikudagsferðirnar kl. 18:00 frá Borgarnesi og kl. 19:12 frá Búðardal verða ekki eknar á meðan skerðingin er í gildi.
Leið 81: Borgarnes – Hvanneyri – Reykholt
- Engin þjónusta á leiðinni á meðan skerðingin er í gildi.
Leið 83: Hvammstangi – Hvammstangavegur
- Pöntunarþjónusta. Engin skerðing þar til annað verður tilkynnt.
Leið 84: Blönduós – Skagaströnd
- Pöntunarþjónusta. Engin skerðing þar til annað verður tilkynnt.
Norður- og Norðausturland
Leið 56: Akureyri - Egilsstaðir
Leið 78: Siglufjörður – Akureyri
- Ferðirnar kl. 09:35 frá Siglufirði og kl. 13:15 frá Akureyri verða ekki eknar á virkum dögum á meðan skerðingin er í gildi.
Leið 79: Akureyri – Húsavík
- Ferðirnar kl. 06:31 frá Húsavík og kl. 08:21 frá Akureyri verða ekki eknar á virkum dögum á meðan skerðingin er í gildi.