Húsnæði Háskóla Íslands opnar að nýju 4. maí, um leið og slakað verður á samkomubanni og heimilt að opna háskóla að nýju. Allir nemendur munu þá fá að koma inn í húsakynni skólans, sem hafa verið lokuð frá 16. mars.

Frétt af mbl.is

Dregið úr takmörkunum á samkomum og skólahaldi

Unnið er að því að tryggja að les- og vinnuaðstaða nemenda uppfylli skilyrði samkomubannsins, sem kveða á um að ekki séu fleiri en 50 manns saman í einu rými og að halda skuli tveggja metra fjarlægð milli fólks.

Kennsla í Háskólanum fer nú fram á netinu. Síðasti kennsludagur vormisseris er 23. apríl og því ljóst að lítið verður um hefðbundnar kennslustundir þótt samkomubanninu sleppi. Háskólinn hefur þegar aflýst öllu prófahaldi í húsakynnum sínum í vor og þeirri ákvörðun verður ekki breytt úr þessu.

Frétt af mbl.is

Engin próf í húsakynnum HÍ í vor

Í skriflegu svari frá rektor segir að frá 4. maí verði hægt að sinna ýmsum kennslutengdum verkefnum sem ekki var hefur verið hægt að sinna frá því samkomubannið tók gildi, þ.á m. verklega handleiðslu auk vettvangsnáms og vettvangsferða. Þá geta meistara- og doktorsvarnir farið fram með þeim skilyrðum sem sett eru um áhorfendafjölda.

Í svari rektors segir að til skoðunar sé hvernig brautskráningu frá skólanum í júní verður háttað, en síðasta vor brautskráðust 2.000 nemendur frá Háskólanum.

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

• Blogga um frétt