Þrjátíu björgunarsveitarmenn á leið til mannsins

Rúmlega þrjátíu björgunarsveitarmenn úr Eyjafirði voru kallaðir út um klukkan sjö í kvöld til að aðstoða slasaðan karlmann á vélsleða sem hafði lent í slysi norðaustanmegin við Grenivík. Þeir eru nú á leið til mannsins á vélsleðum, sem og þyrla Landhelgisgæslunnar. 

Frétt af mbl.is

Þyrla Gæslunnar kölluð út vegna slyss

„Plan A er að þyrlan klári þetta verkefni en að öðru leyti eru björgunarsveitir á leiðinni á vettvang sem varaleið ef það gengur ekki,“ segir Davíð Már Bjarnason, upplýsingafulltrúi Landsbjargar. „Slysið virðist hafa átt sér stað töluvert úr alfaraleið.“

Ekki fengust upplýsingar um líðan mannsins. Þyrla Landhelgisgæslunnar ætti að koma á svæðið klukkan tuttugu mínútur yfir átta í kvöld.

• Blogga um frétt