Framhald efnahagsaðgerða vegna COVID-19 mun ekki fela í sér úrlausn fyrir alla, að sögn Þórdísar Kolbrúnar Reykfjörð Gylfadóttur, ferðamála- iðnaðar- og nýsköpunarráðherra. Í morgunþætti RÚV í morgun sagði Þórdís að ríkisstjórnin hafi í fyrstu bundið vonir við að áfallið yrði tímabundið. Ástandið sé það þó ekki. 

„Nú er auðvitað bara allt, allt önnur mynd uppi. Við erum að horfa upp á miklu, miklu dýpri kreppu, miklu lengri tíma. Töluvert lengri tíma fyrir ferðaþjónustuna til þess að byggja sig upp. Við sáum ekki fyrir að hún myndi algjörlega falla og svo rísa, heldur að við myndum bera hana uppi yfir tímabilið og svo halda áfram.“

Frétt af mbl.is

Framhald efnahagsaðgerða kynnt í dag

Óumflýjanlegt að fyrirtæki fari í þrot

Þórdís sagði óumflýjanlegt að mörg fyrirtæki í ferðaþjónustunni færu í þrot á næstunni en að vonandi yrði óhætt að opna Ísland sem fyrst þar sem framtíð landsins í ferðaþjónustu væri björt. 

Frétt af mbl.is

Fyrirtækjunum blæðir út

„Það verða margir fyrir vonbrigðum og þetta verður sársaukafullt og þetta verður erfitt. Það breytir ekki því að framtíð ferðaþjónustunnar er björt. Einhverjum kann að finnast skrýtið að maður skuli segja þetta en það er þannig,“ sagði Þórdís.

Frétt af mbl.is

Ferðatakmarkanir næstu mánuði

Hún greindi frá því að erfitt væri að útfæra fyrrnefndar efnahagsaðgerðir, sem kynntar verða seinni partinn í dag, þannig að þær henti sem flestum. Hún vonaði þó að margir myndu öðlast von um framhaldið vegna þeirra.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt