Í heimilisgarði hjúkrunarheimilisins Skógarbæjar mættust í dag heimilisfólk og fósturvísar, þar eð að segja karlasönghópurinn Fósturvísarnir, tólf manna rótarskot úr karlakórnum Fóstbræðrum.

Fósturvísarnir glöddu íbúa og starfsfólk Skógarbæjar og sungu þannig alla inn í sumarið, að sögn Rebekku Ingadóttur, forstöðumanns Skógarbæjar sem er eitt af hjúkrunarheimilum Hrafnistu.

„Þetta lagðist mjög vel í mannskapinn. Allir voru ótrúlega kátir með þetta. Þar sem við getum ekki fengið heimsóknir þá gladdi þetta bæði íbúa og starfsmenn mikið að geta farið út í garð og hlustað á tónleikana. Þeir sungu bæði ný lög og gömul í bland.“

mbl.is/Sigurður Unnar

Mikil tilhlökkun fyrir tilslökun

Þann 4. maí verður opnað á heimsóknir á Hrafnistu heimilum með ákveðnum takmörkunum en heimsóknarbann hefur nú staðið yfir í tæpa tvo mánuði. 

Rebekka segir að bæði heimilisfólk og starfsfólk sé spennt fyrir því að slakað verði á banninu. 

„Það er mikil tilhlökkun. Við starfsmennirnir erum núna bara að vinna í því að undirbúa þetta. Við munum tilkynna ættingjum á þriðjudaginn hvernig þetta verður. Þetta verður líklega þannig að einn aðstandandi fær að heimsækja hvern íbúa.“

Spurð hvort heimilisfólkið sé ekki kvíðið fyrir því að fá aftur fólk inn á Skógarbæ segir Rebekka:

„Ég held að þetta verði bara gott. Auðvitað erum við að setja strangar reglur og ef við gerum það rétt þá held ég að þetta gangi vel.“

Tengdar fréttir

Kórónuveiran Covid-19

Við höfum „runnið til baka niður brekkuna“

• Grípa til aðgerða: Covid-19 breiðist hratt út
• Ekki fleiri greinst með veiruna í eitt og hálft ár
• Áslaug um fylgið: „Verðum að horfa í eigin barm“
• Covid-tilboð á hótelum um allt land

» Fleiri tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt