VR hefur ákveðið að hefja formlegar viðræður við Samtök atvinnulífsins um leiðir til að verja lífskjarasamninginn, kaupmátt og störf vegna versnandi ástands á vinnumarkaði.

Ragnar Þór Ingólfsson, formaður VR, greinir frá þessu á Facebook-síðu sinni. Markmiðið er að finna leiðir til verja stöðu fólks og fá stjórnvöld að borðinu.

„Við getum ekki horft upp á þá skelfilegu stöðu sem uppi er á íslenskum vinnumarkaði án þess að taka þetta skref og ræða þríhliða lausnir,“ skrifar Ragnar Þór.

„Það er dapurlegt að aðgerðapakkar ríkisins skuli ákveðnir af fámennum hópi í stað víðtækara samráðs aðila vinnumarkaðarins og stjórnarandstöðunnar. Sérstaklega í ljósi þess hversu alvarleg staðan er og þeirrar staðreyndar að allar ákvarðanir og skuldbindingar hafa mikil áhrif á lífskjör almennings og komandi kynslóðir.“

Með VR í þessari vegferð, að sögn Ragnars Þórs, eru Framsýn stéttarfélag og Verkalýðsfélag Akraness. Félögin ásamt Landssambandi verslunarmanna fara með umboð um 47 þúsund félagsmanna. Von er á því að fleiri félög bætast í hópinn.

Tengdar fréttir

Kjaraviðræður

Samið um 3,5% launahækkun

• Læknar samþykkja nýjan kjarasamning
• Virðing reyni að blekkja almenning og fjölmiðla
• Of snemmt að spá fyrir um hvort samningar náist
• Segja kjarasamninginn andstæðan lögum

» Fleiri tengdar fréttir

• Blogga um frétt