Hópuppsögn Icelandair, þar sem rúmlega 2.000 starfsmönnum verður sagt upp frá mánaðamótum, er sú stærsta í sögunni. Þetta segir Unnur Sverrisdóttir, forstjóri Vinnumálastofnunar.

Frétt af mbl.is

Rúmlega 2.000 sagt upp hjá Icelandair

Uppsagnir Icelandair ná til allra hópa innan félagsins en uppsagnir eru þó flestar hjá flugfreyjum og flugmönnum. Tæplega 900 flugfreyjum er sagt upp og um 420 flugmönnum. Samkvæmt upplýsingum mbl.is heldur 41 flugfreyja starfi sínu og 26 flugmenn.

Unnur segir að stór hluti þeirra sem missa starf sitt í hópuppsögninni hafi þegar verið á hlutabótum. Hún ráðleggur fólki að skoða stöðu sína. „Við vonum bara að þetta líði sem hraðast hjá. Það verður bara að hugsa þetta þannig.“

Stofnunin bætir við sig á fjórða tug starfsmanna

Mikið hefur mætt á Vinnumálastofnun undanfarnar vikur, en þar eru 53.000 manns á atvinnuleysisbótum, fleiri en nokkru sinni fyrr, en þar af eru 35.000 á hlutabótaleiðinni en um 18.000 í almenna kerfinu. Unnur segir að stofnunin sé á fullu í ráðningum vegna aukinna umsvifa, en að hún hafi fengið leyfi fyrir ráðningu 30 til 35 starfsmanna til viðbótar við þá sem fyrir eru.

Frétt af mbl.is

„Tölur sem við höfum aldrei nokkurn tímann séð áður“

Tengdar fréttir

Kórónuveiran Covid-19

„Áfall fyrir bæjarfélagið“

• Covid-19 aftur á skrið
• „Hefur ótrúleg áhrif á líf fólks“
• Landsvirkjun selur höfuðstöðvarnar
• Smitum fjölgar: Hópsýking kom upp á Landakoti

» Fleiri tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt