Katrín Jakobsdóttir forsætisráðherra sagði að þrátt fyrir það að hlutabótaleiðin hefði verið framlengd með óbreyttu sniði út júní væri ljóst að einhver fyrirtæki myndu þurfa að leggja upp laupana. Með aðgerðum stjórnvalda væri samt verið að hjálpa fyrirtækjum og forða gjaldþrotum eins og unnt er.

Þetta kom fram í máli Katrínar í Safnahúsinu skömmu fyrir hádegi. Þar kom enn fremur fram að þessar aðgerðir stjórnvalda kostuðu ríkissjóð á bilinu 40 til 60 milljarða.

Frétt af mbl.is

Hlutabótaleiðin með óbreyttu sniði út júní

Ljóst er að mikill halli verður á ríkissjóði á árinu og Katrín sagði úthald ríkissjóðs ekki takmarkalaust. 

Þórdís Kolbrún Reykfjörð Gylfadóttir, Áslaug Arna Sigurbjörnsdóttir og Ásmundur Einar Daðason á fundinum í dag. mbl.is/Kristinn Magnússon

„Kostnaðurinn verður verulegur og það mun taka langan tíma að vinna okkur úr þessari kreppu, það vitum við,“ sagði Katrín.

Forsætisráðherra var spurð hvort ekki stæði til að kynna einhver sértækar aðgerðir fyrir ferðaþjónustuna eða Icelandair. Hún svaraði því til að aðgerðirnar, svo sem hlutabótaleiðin, nýttust ferðaþjónustunni gríðarlega vel.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Á að bíða af sér hretið eða pakka saman? Enginn …