Ferðamennskan hér á landi stendur ekki og fellur með því hvort landamæri Ísland verði opnuð eða ekki, enda nánast engin ferðamennska í heiminum eins og staðan er í dag. Þetta kom fram í máli Þórólfs Guðnasonar sóttvarnalæknis á upplýsingafundi almannavarna í dag.

Hann bætti því við að það skipti einnig máli hvað önnur lönd geri.

Eins og staðan er í dag þurfa allir sem koma hingað að fara í tveggja sóttkví og gildir það til 15. maí. 

Framhaldið að því loknu er til skoðunar en að því vinna sóttvarnalæknir, heilbrigðisyfirvöld og hagsmunaaðilar. Þórólfur skilar minnisblaði um framhaldið og gerir það vel fyrir 15. maí.

„Sóttvarnalæknir verður fyrst og fremst að taka tillit til heilsufarslegra sjónarmiða,“ sagði Þórólfur.

Sóttvarnalæknir sagði að það þyrfti að skoða það vel ef lönd ættu að vinna saman varðandi ferðalög í náinni framtíð. Hann minnti á að skimun sé mismikil eftir löndum og benti á að Svíar hafi til að mynda skimað mjög lítið miðað við aðrar Norðurlandaþjóðir.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Opin landamæri eru lífshættuleg