Remdesivir til Íslands innan 10 daga

Bandaríska matvæla- og lyfjaeftirlitið gaf í gær út neyðarleyfi fyrir notkun á lyfinu Remdesivir við meðferð sjúklinga með COVID-19 sjúkdóminn sem kórónuveiran veldur.

Tilraunir með lyfið benda til þess að það stytti bataferlið um allt að fjóra daga. Von er á þessu lyfi til Íslands innan 10 daga, til meðhöndlunar fyrir þá sem eru alvarlega veikir af COVID-19 sjúkdómnum.

Þetta staðfestir Magnús Gottfreðsson, sérfræðingur í smitsjúkdómalækningum. „Þetta er fagnaðarefni og mjög góðar fréttir,“ segir hann í Morgunblaðinu í dag.

Frétt af mbl.is

Gefa grænt ljós á notkun ebólu-lyfs við kórónuveirunni

Banda­ríska mat­væla- og lyfja­eft­ir­litið hef­ur gefið út neyðarleyfi fyr­ir notk­un á lyf­inu remedesi­v­ir við meðferð sjúk­linga með COVID-19 sjúk­dóm­inn sem kór­ónu­veir­an veld­ur. Til­raun­ir með lyfið benda til þess að það stytti bata­ferli sjúk­linga um allt að fjóra daga. Leyfið gild­ir aðeins á meðan far­ald­ur­inn stend­ur yfir en heil­brigðis­yf­ir­völd gætu gefið fullt leyfi fyr­ir notk­un lyfs­ins komi í ljós frek­ari virkni gegn veirunni. The Wall Street Journal grein­ir frá.

Remdesi­v­ir er veiru­lyf sem þróað var og prófað sem meðferð við ebóla-veiru. Og er það lyf sem hvað flest­ar til­raun­ir hafa verið gerðar með í tengsl­um við kór­ónu­veiruna. Remdesvir er jafn­framt fyrsta lyfið sem virðist gagn­ast að ráði við meðferð sjúk­linga sem glíma við COVID-19.