Alls er 31 í sóttkví á Akranesi eftir að nemandi í Heiðarskóla, leik- og grunnskóla Hvalfjarðarsveitar, greindist með COVID-19-sjúkdóminn. Aðeins voru tveir í sóttkví fyrir það en þetta eina smit gerði það að verkum að 28 til viðbótar voru sendir í sóttkví.

Nemandinn var einkennalaus en var greindur með sjúkdóminn á sunnudag eftir skimun hjá Íslenskri erfðagreiningu á Akranesi.

RÚV greinir frá þessu og þar er haft eftir Sigríði Láru Guðmundsdóttur, skólastjóra Heiðarskóla, að aðgreining námshópa hafi borið góðan árangur því aðeins einn nemendahópur af fjórum hafi þurft að fara í sóttkví. Fimm starfsmenn skólans og 19 nemendur eru nú í sóttkví.

Skólahald færðist í samt horf í gær eftir að breytingar á reglum um samkomubann og starfsemi leik- og grunnskóla tóku gildi. Þeir nemendur sem eru í sóttkví stunda fjárnám meðan á henni stendur.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt