Innlent | AFP | 6.5.2020 | 7:35 | Uppfært 10:25

Bretar hafa barina en á Íslandi „snýst allt um sundlaugarnar“

„Bretar hafa barina sína og Frakkarnir kaffihúsin. En hjá Íslendingum snýst þetta allt um sundlaugarnar.“ Á þessum orðum hefst umfjöllun AFP-fréttastofunnar um mikilvægi sundlauga hér á landi sem nú eru galtómar sökum kórónuveirufaraldursins.

Frétt af mbl.is

„Ég vildi gjarnan komast í sund á eftir“

Í myndskeiðinu hér að ofan má sjá hvernig umhorfs er í Laugardalslaug þessa dagana, en þar er til að mynda búið að tæma steinapottinn og nýta tímann til að fjarlægja skakka varðturninn.

Frétt af mbl.is

Skakki turninn í Laugardalslaug fjarlægður

Sundlaugum var lokað þegar hert samkomubann tók gildi 23. mars en til stendur að opna þær á nýjan leik 18. maí.

Frétt af mbl.is

„Við höfum náð að gera ótrúlega mikið“

„Við erum alin upp í þeirri menningu að sækja sundlaugarnar í ýmsum tilgangi svo ég held að þetta krefjist mikillar aðlögunarhæfni hjá mörgum,“ segir Hulda Bjarkar sundkennari sem rætt er við í innslaginu. Nefnir hún sem dæmi eldri borgara sem eru reglulegir gestir sundlauganna, ekki síst á morgnana.

Róbert Albert Spanó, eftirlaunaþegi, er einnig á meðal viðmælenda og segir hann það erfitt að komast ekki í sund þessa dagana. „Þetta er hluti af okkar lífi. Ég nýt þess að fara í sund þegar það snjóar, rignir, er kalt, mér er alveg sama. Ég nýt þess. Þetta er mjög hollt fyrir mig.“