Flugfreyjufélag Ísland hefur fundað í dag vegna tilboðs sem Icelandair sendi félaginu í gær. Fyrirtækið leggur til að tilboðið verði borið milliliðalaust undir alla félagsmenn í kosningu. 

Guðlaug Líney Jóhannsdóttir, formaður Flugfreyjufélagsins, segir í samtali við mbl.is að tilboðið verði kynnt félagsmönnum í kvöld eða á morgun, en RÚV greindi fyrst frá. 

„Við ætlum að kynna þetta fyrir félagsmönnum og erum bara að ákveða næstu skref,“ segir Guðlaug og bætir við að óljóst sé hvort kosið verði um tilboðið. Taka verði afstöðu til tilboðsins eftir að það hefur verið borið undir félagsmenn. 

Guðlaug segir að ekki hafi verið boðað til samningafundar við Icelandair og óljóst hvenær það verður gert. 

Frétt af mbl.is

Icelandair krefst launa- og réttindaskerðingar

Guðlaug sagði í samtali við mbl.is í gær að samninganefnd krefðist þess að laun og réttindi flugfreyja yrðu skert í nýjum kjarasamningi. Flugfreyjur hafa sagt að þær muni ekki skerða kjör sín með langtímasamningum. Launalækkanir og varanleg skerðing á réttindum sé óviðunandi.

Tengdar fréttir

Kjaraviðræður

Verkfalli lækna aflýst á síðustu stundu

• Verkföllum lækna aflýst
• „Sá vegur er bæði háll og myrkur“
• „Við höldum áfram þangað til við erum búin“
• Í kappi við tímann að reyna að afstýra verkfalli

» Fleiri tengdar fréttir

• Blogga um frétt