Tillaga alþjóðlegu auglýsingastofunnar M&C Saatchi, í samstarfi við íslensku auglýsingastofuna Peel, hlaut hæstu einkunn valnefndar af innsendum tilboðum fyrir markaðsverkefnið „Ísland - saman í sókn.” Verkefnið er hluti af efnahagsaðgerðum stjórnvalda vegna COVID-19.

Þetta kemur fram í tilkynningu frá Íslandsstofu, sem mun sjá um framkvæmdina. 

1.500 milljónum varið í verkefnið

Um er að ræða markaðs- og kynningarverkefni fyrir áfangastaðinn Ísland á völdum erlendum mörkuðum í því skyni að styrkja ímynd Íslands, auka eftirspurn og viðhalda samkeppnisstöðu íslenskrar ferðaþjónustu. Alls verður 1.500 milljónum króna varið í verkefnið en gert er ráð fyrir að stærsti hluti þess fari í birtingar á erlendum mörkuðum. Útboð fyrir birtingarhluta verkefnisins verður auglýst á vef Ríkiskaupa á næstu dögum, segir enn fremur í tilkynningunni. 

Fram kemur, að auglýst hafi verið eftir tillögum að stefnumörkun og framkvæmd verkefnisins á Evrópska efnahagssvæðinu 2. apríl. Fimmtán tilboð bárust í verkefnið.

Um er að ræða markaðs- og kynningarverkefni fyrir áfangastaðinn Ísland á völdum erlendum mörkuðum í því skyni að styrkja ímynd Íslands, auka eftirspurn og viðhalda samkeppnisstöðu íslenskrar ferðaþjónustu. mbl.is/Eggert Jóhannesson

Var með hæstu einkunn í níu af ellefu hæfnisþáttum

Þrettán manna valnefnd, skipuð fulltrúum ráðherra ferðamála, Samtaka ferðaþjónustunnar, Reykjavíkurborgar, markaðsstofu landshlutanna og Íslandsstofu, fór yfir tilboðin og lagði mat á þau. Ríkiskaup fór með framkvæmd útboðsins. 

„Tillaga M&C Saatchi og Peel hlaut hæstu heildareinkunnina og var með hæstu einkunn í níu af ellefu hæfnisþáttum. Nú stendur yfir biðtími samkvæmt lögum um opinber innkaup. Að honum loknum kemst á bindandi samningur. Fram kemur í rökstuðningi valnefndar að innsendingin sé sterk og byggi á traustri stefnumótun. Hugmyndin sé bæði áhrifarík og nái að tengja saman ólíka þætti til að styrkja ímynd landsins. Skýr áhersla sé lögð á sjálfbærni og hugmyndin tengist vel öðrum útflutningsgreinum Íslands,“ segir í tilkynningunni. 

Stofurnar

• FM&C Saatchi er með höfuðstöðvar í London en skrifstofur víða um heim. Hún var stofnuð árið 1995. Stofan hefur tekið þátt í ýmsum árangursríkum herferðum til að kynna áfangastaði ferðamanna en frá árinu 2005 hefur herferð þeirra fyrir Nýja-Sjáland, „100% Pure New Zealand“, notið gríðarlegrar velgengni og er enn í gangi.
• PEEL er stafræn auglýsingastofa á Íslandi. Stofnendur hennar eru Egill Þórðarson og Magnús Magnússon sem báðir hafa starfað lengi að markaðsmálum og m.a. komið að herferðum Inspired by Iceland.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt