Ólíklegt að Gummi Ben bar opni aftur

Meiri líkur en minni eru á því að Gummi Ben bar við Tryggvagötu verði ekki opnaður á nýjan leik.

Að sögn eigandans Ómars Ingimarssonar verður staðfest á næstu dögum hvað verður um staðinn. „Það er tvennt sem við erum búin að vera að stóla á, íþróttir og hópa, og það hefur hvorugt verið í gangi,“ segir hann og bætir við að svigrúm frá húseiganda sé heldur ekki fyrir hendi vegna stöðunnar sem er uppi vegna kórónuveirunnar. 

Ómar kveðst ætla að tilkynna á Facebook-síðu staðarins hvernig málin þróast.

Frétt af mbl.is

Gummi Ben bar þar sem Húrra var

Gummi Ben bar hefur verið lokaður síðan 16. mars vegna veirunnar og hefur hann því aðeins náð að vera starfræktur í hálft ár. „Það er ekki búið að vera brjálað að gera. Við vorum búin að vera í mikilli markaðsvinnu sem var að byrja að skila sér. Ef þetta hefði ekki gerst hefðum við náð okkar markmiðum,“ bætir Ómar við og á þar við veiruna.

Hann sér einn um rekstur staðarins en Andrés Þór Björnsson hætti afskiptum af honum í byrjun ársins.

• 1 blogg um fréttina

Bloggað um fréttina

• Jóhannes Ragnarsson: Vissulega var allt mikið betra í gamla daga