Hver einstaklingur má safna 15 ferðagjöfum á sína kennitölu og greiða með þeim samtals 75.000 kr. Í upphafi júní verður öllum Íslendingum fæddum 2002 eða fyrr úthlutað 5.000 króna gjafabréfi til að nota á ferðalagi um Ísland í sumar.

Leyfilegt er að taka við gjafabréfum annarra og færa á sína kennitölu en hver má þannig aðeins safna fimmtán gjafabréfum. 

Þá má hvert fyrirtæki aðeins taka við 100 milljónum í formi þessara gjafabréfa og aðeins 25 milljónum hafi fyrirtækið verið metið í rekstrarerfiðleikum í lok síðasta árs. Samtals verða gefin út gjafabréf að andvirði 1,5 milljarða. 

Frétt af mbl.is

Ferðagjafabréf sem má nota heima

Stjórnvöld hafa þá skilgreint hvar megi nákvæmlega nota ferðagjöfina, nefnilega hjá eftirtöldum rekstraraðilum: 

• Fyrirtæki með gilt leyfi skv. III. kafla laga um ferðamálastofu, þ.e.a.s. ferðaskrifstofur og ferðasalar dagsferða

• Fyrirtæki með gilt rekstrarleyfi skv. 7. gr. laga um veitingastaði, gististaði og skemmtanahald, þ.e.a.s. gististaðir í flokki II-IV og veitingastaðir í flokki II og III, og fyrirtæki með gilt starfsleyfi frá heilbrigðisnefnd til veitingastaða í flokki I

• Ökutækjaleigur með gilt starfsleyfi skv. lögum um leigu skráningarskyldra ökutækja

• Söfn og fyrirtæki sem bjóða sýningu gegn endurgjaldi þar sem áhersla er á íslenska menningu, sögu eða náttúru

Þórdís Kolbrún Reykfjörð Gylfadóttir ferðamálaráðherra hefur kynnt frumvarp þessa efnis í ríkisstjórn, en áður hafði efni frumvarpsins mestallt verið kynnt. Hægt verður að nálgast gjafabréfið á ferdalag.is og má nota það hvar sem er á landinu, líka í sínum heimabæ.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt