Eldri maður sem seldi bangsana fundinn

Lögreglan á Suðurnesjum er búin að hafa uppi á eldri manni sem talinn er hafa selt pilti hlaupbangsa sem tvær unglingsstúlkur innbyrtu um síðustu helgi. Bangsarnir innihéldu kannabisefni og morfín.

Þetta staðfestir Ólafur Helgi Kjartansson, lögreglustjóri á Suðurnesjum, við mbl.is. Hann vill ekki greina frá því hvenær maðurinn fannst eða hvort búið er að yfirheyra hann. 

Frétt af mbl.is

Unglingsstúlkur á sjúkrahús eftir vímuefnahlaupbangsa

Aðspurður segir hann að sig reki ekki minni til þess að álíka mál hafi komið á borð lögreglunnar í sinni tíð.

Ólafur kveðst ekkert geta tjáð sig um líðan stúlknanna en þær voru fluttar meðvitundarlausar á sjúkrahús eftir að hafa innbyrt bangsana.

• 1 blogg um fréttina

Bloggað um fréttina

• Jóhannes Ragnarsson: Gott að Stjörnusýslumaðurinn Stones hafi náð í rassinn á Bangsapápa