Með því að keyra saman gögn frá Íslenskri erfðagreiningu og gögn frá rakningarteymi almannavarna er búið að staðfesta það sem Þórólfur Guðnason sóttvarnalæknir sagði í byrjun faraldurs um smit meðal barna. Þetta sagði Alma D. Möller landlæknir á upplýsingafundi almannavarna.

Gögnin sýna að börn fá kórónuveiruna síður í sig, smita síður frá sér og veikjast minna en fullorðnir. Þessu hefur Þórólfur haldið fram síðan faraldurinn skall á hér á landi en yfirvöld voru gagnrýnd nokkuð fyrir að loka ekki fyrir skólastarf í leikskólum og grunnskólum.

Í máli Ölmu kom einnig fram að embætti landlæknis vakti ákveðna heilsuþætti landsmanna og ekkert bendi til þess að faraldurinn hafi haft neikvæð áhrif á heilsuhegðun eða líðan landsmanna í mars og apríl. Þannig meti fleiri andlega heilsu sína góða eða mjög góða, fleiri eru sjaldnar eða aldrei einmana og færri glíma við mikla streitu eða svefnleysi.

Frétt af mbl.is

Blaðamannafundur vegna kórónuveiru

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt