Lagt er til í nýju frumvarpi fjármálaráðherra til fjáraukalaga að heildargreiðslur úr ríkissjóði vegna hlutabótaleiðarinnar á tímabilinu 15. mars til 31. ágúst verði 34 milljarðar króna. Búist er við því að um 14 þúsund manns nýti sér úrræðið á áðurnefndu tímabili.

Þá er í frumvarpinu gert ráð fyrir 27 milljarða króna fjárheimild til greiðslu launa á uppsagnarfresti. Um er að ræða kostnað vegna úrræðis sem fjármálaráðherra kynnti um miðjan maímánuð þar sem lagt er til að ríkissjóður greiði laun og lífeyrissjóðsgreiðslur starfsmanna sem sagt hefur verið upp störfum.

Í frumvarpinu er miðað við að heildarkostnaður ríkissjóðs vegna einstaklinga sem fóru í sóttkví verði tveir milljarðar króna og að endurgreiðslur vegna kvikmyndagerðar á Íslandi verði rúmlega tveir milljarðar króna.

Samtals er lögð til 65 milljarða króna aukning á áður samþykktum fjárheimildum.

Frétt af mbl.is

65 milljarða aukning á fjárheimildum

Einnig er lögð til nánari skipting á 1.150 milljóna króna framlagi til fjárfestingar í sprota- og nýsköpunarfyrirtækjum. Hún er á þá leið að 500 milljónir verði veittar til Nýsköpunarsjóðs atvinnulífsins vegna veitingar sérstakra mótframlagslána til sprota- og nýsköpunarfyrirtækja sem hafa orðið fyrir skakkaföllum vegna heimsfaraldursins en 650 milljónir fari til Kríu, sjálfstæðs sjóðs í eigu ríkisins sem fjárfestir í áðurnefndum fyrirtækjum.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt