Svandís tjáir sig ekki í bili
Setja bókamerki
Heilbrigðisráðherra ætlar ekki að tjá sig að svo stöddu um ummæli Kára Stefánssonar í Kastljósi í gærkvöldi.
Þetta segir Birgir Jakobsson, aðstoðarmaður Svandísar Svavarsdóttir. Hugsanlega verður send yfirlýsing síðar í dag vegna ummæla hans.
Kári sagði Svandísi hrokafulla og gagnrýndi hana fyrir að hafa ekki haft samband við Íslenska erfðagreiningu varðandi skimun farþega í Flugstöð Leifs Eiríkssonar.
Kjartan Hreinn Njálsson, aðstoðarmaður landlæknis, segir að Þórólfur Guðnason sóttvarnalæknir sé önnum kafinn við að ljúka minnisblaði vegna skimunarinnar sem verður send ráðherra á næstu dögum og ólíklegt sé að hann vilji tjá sig að svo stöddu.
Íslensk erfðagreining heldur fræðslufund í kvöld um COVID-19 þar sem bæði Kári Stefánsson og Þórólfur munu stíga í pontu. Einnig munu Alma D. Möller landlæknir, Agnar Helgason mannerfðafræðingur og Már Kristjánsson, yfirlæknir smitsjúkdómadeildar Landspítalans, flytja erindi.
Eftir erindin verður gestum gefinn kostur á að spyrja fyrirlesarana.
Rússar sagðir útvega N-Kóreu milljón olíutunnur
Hraun kemur úr þremur gígum: Virknin stöðug
Maskína: Framsókn í fallbaráttu
„Má segja að þetta gos hafi þjófstartað“
Fullvissa ferðamenn um að hér sé öruggt
Litlar líkur á að hraunið nái til mannvirkja
Hótar Bretum og Bandaríkjamönnum