Jarðskjálftavirkni í nágrenni Grindavíkur hefur færst í aukana um hvítasunnuhelgina og hafa mælst um 300 skjálftar þar frá miðnætti í gær. 

Samkvæmt upplýsingum frá Veðurstofunni var stærsti skjálftinn 2,7 að stærð, en hann mældist í gær. Í nótt varð skjálfti af stærð 2,5 í sem fannst í Grindavík. Heldur hafði dregið úr skjálftavirkni á Reykjanesskaga síðustu vikur en rúmlega 120 jarðskjálftar mældust þar í síðustu viku. 

Samkvæmt nýjum gögnum eru vísbendingar um að landris sé hafið að nýju við Þorbjörn, þótt hægt sé. Líkt og Hulda Rós Helga­dótt­ir, nátt­úru­vár­sér­fræðing­ur á Veður­stof­unni, sagði í sam­tali við mbl.is, í gær er þörf á frekari gögnum til að fullyrða frekar um núverandi ferli og þær hættur sem því fylgja. 

Frétt af mbl.is

Aukin jarðskjálftavirkni getur fylgt landrisi

Almannavarnir lýstu yfir óvissustigi vegna landriss vestan við fjallið Þorbjörn í janúar og er það enn í gildi.

Fréttin hefur verið uppfærð.  

Tengdar fréttir

Landris á Reykjanesi

Land rís enn á Reykjanesskaga

• Mesta virkni sem hefur mælst frá upphafi
• Auka vöktun með efnainnihaldi neysluvatns
• Jörð skelfur við Krýsuvík
• Jarðskjálfti upp á 3,5 stig

» Fleiri tengdar fréttir

• Blogga um frétt