„Af verkfalli má ekki verða“
Setja bókamerki
Páll Matthíasson, forstjóri Landspítalans, segir niðurstöðu atkvæðagreiðslu hjúkrunarfræðinga um að fara í verkfall 22. júní vera sérstakt áhyggjuefni.
Hann segir fátt vera eins slæmt í rekstri sjúkrahúsa eða heilbrigðisþjónustu og verkföll, sér í lagi hjá lykilstéttum eins og hjúkrunarfræðingum. „Hjúkrunarfræðingar eru hryggjarstykki í starfi spítalans og án þeirra rekum við ekki sjúkrahús. Ábyrgð samningsaðila er gríðarleg. Af verkfalli má ekki verða, svo einfalt er það. Áður en það brestur á verða samningsaðilar að ná saman og ég hvet þá eindregið til að ljúka samningum í tíma,“ skrifar Páll í vikulegum forstjórapistli sínum.
Þar segir hann jafnframt að fjármagn til vísindastarfs, sem sé ein af grunnstoðum starfsins á Landspítala, vera alltof lítið. Það sé óskynsamlegt.
„Fátt er mikilvægara framtíð heilbrigðisþjónustu á landinu en að efla nýsköpunar- og vísindastarf á heilbrigðissviði og hvílíkt vor það yrði í vísindum ef myndarlega yrði tekið á þessum málum, nú í kjölfar kófsins,“ skrifar hann.
Lát hjóna í Neskaupstað: Ákæra gefin út
Víkingar komnir yfir 800 milljónir í greiðslur
Þetta eru ráðherrar ríkisstjórnarinnar
Samfylking og Viðreisn gáfu loforð
Forstjóri bendir á ábyrgð birgja vegna verðhækkana
Funda með þingflokkum
Bjarni: „Útilokað að þetta geti gengið upp“
