Ekkert nýtt smit kórónuveiru greindist hér á landi í gær en eitt smit greindist í fyrradag, sem ekki var með í tölum sem birtar voru í gær. Víðir Reynisson, yfirlögregluþjónn hjá almannavörnum, segir að smitið hafi sennilega greinst seint 5. júní, en minni viðbúnaður er hjá almannavörnum um helgar sem skýrir hvers vegna smitið hafi ekki verið með í tölum sem birtar voru í gær.

Líkt og sjá má á covid.is greind­ist sá smitaði hjá Íslenskri erfðagrein­ingu og var utan sótt­kví­ar við grein­ingu. Þrír eru með virkt smit en 1.794 hafa náð bata.

27 sýni voru tekin í gær hjá sýkla- og veirufræðideild Landspítalans í gær en ekkert sýni var tekið hjá Íslenskri erfðagreiningu.

Alls hafa nú 1.807 smit greinst á Íslandi, eitt þeirra í júní. Tek­in hafa verið 62.795 sýni.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt