Sjö sagt upp á Þingvöllum

Sjö fastráðnum starfsmönnum Þjóðgarðsins á Þingvöllum í þjónustumiðstöðinni á Leirum og í versluninni í gestastofunni á Hakinu hefur verið sagt upp störfum.

Þetta er vegna endurskipulagningar, en algjört stopp á gestakomum síðustu mánuði vegna kórónuveirunnar hefur gjörbreytt aðstæðum í rekstri þjóðgarðsins.

„Þessar uppsagnir eru erfiðar aðgerðir en óumflýjanlegar,“ sagði Einar Á.E. Sæmundsen þjóðgarðsvörður í umfjöllun um mál þetta í Morgunblaðinu í dag.