Hjúkrunarráð hefur lýst yfir áhyggjum af yfirvofandi verkfalli hjúkrunarfræðinga. Þetta kemur fram í ályktun stjórnar hjúkrunarráðs Landspítalans, sem birt var í gær.

Félag íslenskra hjúkrunarfræðinga hefur boðað til verkfalls sem á að hefjast 22. júní og standa þangað til samningar hafa náðst, og hvetur hjúkrunarráð stjórnvöld til að ganga frá samningum við félagið áður en verkfallið hefst.

Hjúkrunarfræðingar hafa verið samningslausir í fimmtán mánuði, en samningaviðræður hafa staðið yfir frá því í lok apríl, eftir að hjúkrunarfræðingar felldu kjarasamning.

Frétt af mbl.is

Hjúkrunarfræðingar samþykkja verkfall

Í ályktun hjúkrunarráðs segir að þrátt fyrir að vera samningslausir hafi hjúkrunarfræðingar staðið vaktina í heimsfaraldri, og gert það með mikilli sæmt, en að langvarandi samningsleysi og yfirvofandi verkfall hafi alvarleg áhrif á þjónustu heilbrigðiskerfisins.

Alþjóðaheilbrigðismálastofnunin (WHO) hefur tileinkað árið 2020 hjúkrunarfræðingum og ljósmæðrum, og hvetur stofnunin þjóðir heimsins til að fjárfesta í hjúkrun.

Tengdar fréttir

Kjaradeilur heilbrigðisstarfsfólks

Fátt jafn óheppilegt og deilur inn í viðkvæma starfsemi

• Sömdu við borgina
• Hjúkrunarfræðingar samþykktu miðlunartillögu
• Virkt samtal á tveggja stunda kynningarfundi
• „Áttuðu sig á hve illa verkfallið myndi bíta“

» Fleiri tengdar fréttir

Kjaraviðræður

Samið um 3,5% launahækkun

• Læknar samþykkja nýjan kjarasamning
• Virðing reyni að blekkja almenning og fjölmiðla
• Of snemmt að spá fyrir um hvort samningar náist
• Segja kjarasamninginn andstæðan lögum

» Fleiri tengdar fréttir

• Blogga um frétt