„Ég hef átt samtöl við báðar samninganefndir og í kjölfar þeirra samtala var tilefni til að boða til fundar til þess að fara yfir ýmis mál,“ segir Aðalsteinn Leifsson ríkissáttasemjari í samtali við mbl.is um fyrirhugaðan fund í kjaradeilu Félags íslenskra hjúkrunarfræðinga sem fer fram á morgun.

Aðalsteinn vill þó ekki tjá sig frekar um stöðuna í kjaraviðræðunum.

Félag íslenskra hjúkrunarfræðinga hefur boðað til ótímabundins verkfalls sem hefst að óbreyttu 22. júní. Margir hafa lýst yfir áhyggjum af fyrirhuguðu verkfalli og áhrifa þess á verkefnið um skimun á landamærum Íslands sem hefst 15. júní sem og heilbrigðiskerfið í heild.

Frétt af mbl.is

„Af verkfalli má ekki verða“

Síðasti sáttafundur fór fram á mánudag en honum lauk án niðurstöðu eftir þrjár klukkustundir. Ekki þótti tilefni til að boða til nýs fundar á mánudaginn en það breyttist í gær þegar ákveðið var að fundur yrði haldinn á morgun.

Frétt af mbl.is

„Þungur fundur og erfiður“

Hjúkrunarfræðingar hafa verið án samnings í 15 mánuði. Samningur náðist milli samninganefnda í apríl en hann var felldur af hjúkrunarfræðingum síðar í sama mánuði.

Það sem út af stendur í samningaviðræðum er launaliðurinn en Sverrir Jónsson, formaður samninganefndar ríkisins, hefur sagt að samningstilboð ríkisins sé sambærilegt lífskjarasamningnum.

Ekki náðist í Guðbjörgu Pálsdóttur, formanns Félags íslenskra hjúkrunarfræðinga, við vinnslu fréttarinnar.

Frétt af mbl.is

Sambærilegt lífskjarasamningi

Tengdar fréttir

Kjaradeilur heilbrigðisstarfsfólks

Fátt jafn óheppilegt og deilur inn í viðkvæma starfsemi

• Sömdu við borgina
• Hjúkrunarfræðingar samþykktu miðlunartillögu
• Virkt samtal á tveggja stunda kynningarfundi
• „Áttuðu sig á hve illa verkfallið myndi bíta“

» Fleiri tengdar fréttir

Kjaraviðræður

„Það er bara góð vinna í gangi“

• Á algjöru frumstigi eftir þrjár vikur af verkfalli
• Ekki sátt með tilkynningu á vef KÍ
• „Enginn farinn að öskra og arga“
• Gera ekki ráð fyrir að samhljómurinn verði rofinn

» Fleiri tengdar fréttir

• Blogga um frétt