Lögreglan á höfuðborgarsvæðinu handtók í gær, að beiðni lögreglunnar á Suðurlandi, þrjá einstaklinga sem grunaðir voru um þjófnað úr verslunum á Selfossi.

Við rannsókn málsins kom í ljós að þeir komu til landsins fyrir fjórum dögum og áttu því að vera í sóttkví. Vegna þessa var ákveðið að taka sýni úr nefkoki til að kanna með hugsanleg COVID-19-smit.

Niðurstöður bárust lögreglu um hádegi í dag og reyndust þá tveir einstaklingana vera jákvæðir, að því er kemur fram í tilkynningu.

Vegna almannahagsmuna og með heimild í sóttvarnalögum hefur lögreglustjórinn á Suðurlandi að beiðni sótttvarnalæknis vistað aðilana á meðan frekari rannsóknir, m.a. mótefnamæling, fara fram.

Þremenningarnir komu til landsins með þremur öðrum einstaklingum og er þeirra nú leitað. Ákvörðun um næstu skref verða tekin þegar þær niðurstöður liggja fyrir.

Vegna málsins eru 14 lögreglumenn hjá lögreglunni á Suðurlandi og höfuðborgarsvæðisins í sóttkví.

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

Reglur um sóttkví brotnar

Segir eftirlýsinguna litast af útlendingahatri

• „Við gerðum aldrei mistök“
• Bíða í óvissu í sóttvarnahúsinu
• Greindust fyrst smitlausir en svo smitaðir
• Þrír lögregluþjónar smitaðir

» Fleiri tengdar fréttir

• 1 blogg um fréttina

Bloggað um fréttina

• Kolbrún Hilmars: Er þetta brandari?