Lögreglan á höfuðborgarsvæðinu reiknar með því að lýsa eftir þremur mönnum sem leitað er í tengslum við búðarþjófnað á Selfossi með ljósmyndum af þeim í von um að fá aðstoð almennings við að ná sambandi við þá.  

Þetta segir Víðir Reynisson yfirlögregluþjónn. Þrír aðrir menn sem komu með þeim til landsins hafa verið handteknir af lögreglunni á Selfossi og tveir þeirra eru smitandi af kórónuveirunni.

Frétt af mbl.is

Óheiðarlegir, segir Þórólfur

Víðir segir mikilvægt að ná tali af mönnunum þremur og taka af þeim sýni til að athuga hvort þeir hafi einnig smitast af veirunni. „Maður gerir sér grein fyrir því að þeir séu kannski ekki spenntir fyrir því að hitta yfirvöld en það er í þeirra eigin þágu að við náum í þá,“ segir hann.

„Ef þeir eru smitaðir eins og félagar þeirra þá er hægt að veita þeim heilbrigðisþjónustu sem er nauðsynleg í þessu máli.“

Aðspurður segist Víðir hafa átt von á því að eitthvert sams konar mál myndi koma upp í tengslum við veiruna en að annars konar vandamál hefðu verið talin líklegri. „Við lítum þetta mjög alvarlegum augum.“

Frétt af mbl.is

Smitaðir þjófar ekki búsettir á Íslandi

Sextán í sóttkví

Alls eru fjórtán lögreglumenn í sóttkví vegna málsins, auk tveggja annarra starfsmanna lögreglunnar, að sögn Víðis.

Þórólfur Guðnason sóttvarnalæknir greindi frá því við mbl.is fyrr í kvöld að mennirnir væru rúmenskir og að hann hefði farið fram á gæsluvarðhald yfir þeim á grundvelli sóttvarnalaga.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

Reglur um sóttkví brotnar

Segir eftirlýsinguna litast af útlendingahatri

• „Við gerðum aldrei mistök“
• Bíða í óvissu í sóttvarnahúsinu
• Greindust fyrst smitlausir en svo smitaðir
• Þrír lögregluþjónar smitaðir

» Fleiri tengdar fréttir

• Blogga um frétt