Fimm ár eru í dag liðin frá því lög voru sett á verkfallsaðgerðir hjúkrunarfræðinga sem þá stóðu í kjarabaráttu líkt og nú. Á þessu vekur Guðbjörg Pálsdóttir, formaður Félags íslenskra hjúkrunarfræðinga, athygli í grein sem birtist í dag. Ótímabundið verkfall hjúkrunarfræðinga hefst 22. júní, náist samningar ekki fyrir þann tíma.

„Fimm árum síðar hefur ekkert breyst hjá hjúkrunarfræðingum sem enn berjast fyrir því að fá sanngjörn laun fyrir sína vinnu, sitja fund eftir fund með samninganefnd ríkisins og í fjölmiðlum hljómar sami söngur og þá frá sumum; hvort ekki þurfi bara að setja lög á hjúkrunarfræðinga,“ segir Guðbjörg í greininni.

Frétt af mbl.is

Verkfallslögin samþykkt

Gleymd sé hin gríðarlega vinna sem hjúkrunarfræðingar hafi unnið af hendi í kórónuveirufaraldrinum og þess í stað talað fjálglega um að ófaglærðir geti allt eins sinnt sýnatöku vegna ferðamanna sem hingað koma.

Guðbjörg Pálsdóttir, formaður Félags íslenskra hjúkrunarfræðinga. mbl.is/Sigurður Bogi

„Hamrað er á því að ekki sé hægt að borga hjúkrunarfræðingum mannsæmandi laun vegna Lífskjarasamninga, á sama tíma og almenningur horfir upp á þingmenn, ráðherra og æðstu embættismenn þjóðarinnar þiggja tugprósenta launahækkanir,“ segir enn fremur í greininni.

Þess er minnst í ár að 200 ár eru liðin frá fæðingu umbótakonunnar Florence Nightingale en hennar er minnst fyrir byltingarkennt framlag sitt til nútímahjúkrunar. Spyr Guðbjörg hvaða „afmælisgjöf“ hjúkrunarfræðingar muni fá af því tilefni: mannsæmandi laun eða sömu afmælisgjöf og fyrir fimm árum.

Tengdar fréttir

Kjaradeilur heilbrigðisstarfsfólks

Fátt jafn óheppilegt og deilur inn í viðkvæma starfsemi

• Sömdu við borgina
• Hjúkrunarfræðingar samþykktu miðlunartillögu
• Virkt samtal á tveggja stunda kynningarfundi
• „Áttuðu sig á hve illa verkfallið myndi bíta“

» Fleiri tengdar fréttir

• Blogga um frétt